01
Kush jemi
MiriFX vepron në Shqipëri dhe në Dubai.
- Shqipëri: MiriFX Academy, NIPT K71627507F, Lagja 1, Rruga Epikadeve, Durrës.
- Emiratet e Bashkuara Arabe: Licenca nr. 34292, Dubai Silicon Oasis.
Pyetje: info@mirifx.com.
02
Ku vlejnë
Këto kushte vlejnë për mirifx.com, app.mirifx.com, kurset në klasë, MiriFX University dhe Club. Duke i përdorur, i pranon.
03
Mosha
Shërbimet tona janë vetëm për persona 18 vjeç e lart.
04
Vetëm edukim
MiriFX ofron edukim për trading. Nuk jep këshilla investimi, sinjale, menaxhim portofoli apo premtim fitimi. Çdo vendim në trading është yti.
05
Risku
Trading me valuta dhe CFD me levë ka risk të lartë dhe nuk është për të gjithë. Mund të humbasësh më shumë se sa ke investuar. Rezultatet e së shkuarës nuk tregojnë rezultatet e së ardhmes.
06
Llogaria jote
Llogaria është personale. Mos i ndaj kodet e hyrjes apo aksesin. Aksesin që ndahet, keqpërdoret ose përdoret për të kopjuar materialet mund ta pezullojmë.
07
Materialet
Mësimet, videot, dokumentet dhe metoda janë pronë intelektuale e MiriFX. I përdor vetëm për mësimin tënd. Nuk lejohet t'i regjistrosh, t'i rishesësh apo t'i publikosh.
08
Kurset në klasë
- Vendi konfirmohet kur ekipi ynë e aprovon regjistrimin dhe ta konfirmon.
- Datat, oraret, adresa dhe tarifa e grupit shfaqen gjatë regjistrimit dhe në konfirmim.
- Pagesa bëhet cash ose me transfertë bankare dhe e regjistron ekipi ynë. Balancën ta japim kur e kërkon.
- Nëse duhet ta shtyjmë ose ta anulojmë grupin, të ofrojmë një datë tjetër ose të kthejmë shumën e paguar për atë grup.
09
University dhe Club
- Pagesat online i përpunon një ofrues i jashtëm pagesash, si Stripe ose PayPal. Të dhënat e kartës nuk i shohim dhe nuk i ruajmë.
- Club paguhet paraprakisht për periudhën që zgjedh (3, 6 ose 12 muaj), me kartë, Apple Pay ose PayPal. Aksesi zgjat për periudhën e paguar.
10
Rimbursimet
Kushtet janë në faqen Rimbursimet.
11
Certifikatat
- Certifikatën e marrin studentët që përfundojnë programin në klasë ose online. Alumni e kanë marrë më herët.
- Pasi trajnimi është ndjekur, certifikata nuk revokohet.
- Kushdo që ka emrin, mbiemrin dhe numrin e certifikatës mund të verifikojë te mirifx.com/verify nëse ajo është e vlefshme.
12
Përgjegjësia
Për aq sa e lejon ligji, MiriFX nuk mban përgjegjësi për humbje në trading apo dëme indirekte nga përdorimi i edukimit ose i platformës.
13
Ligji dhe ndryshimet
Këto kushte rregullohen nga ligjet e Republikës së Shqipërisë. Mund t'i përditësojmë; versioni në fuqi është gjithmonë në këtë faqe, me datën e tij.