01
Kush i përpunon
MiriFX Academy, NIPT K71627507F, Lagja 1, Rruga Epikadeve, Durrës, Shqipëri, përmes mirifx.com dhe app.mirifx.com. MiriFX vepron edhe në Dubai (Licenca nr. 34292, Dubai Silicon Oasis). Për çdo pyetje ose kërkesë: info@mirifx.com.
02
Çfarë mbledhim
| Kur | Çfarë |
|---|---|
| Rezervon një bisedë ose na shkruan | emrin, email-in, telefonin, eksperiencën në trading, zonën orare, gjuhën dhe orarin që zgjedh |
| Regjistrohesh në një kurs në klasë | emrin, email-in, telefonin, grupin, tarifën e rënë dakord dhe pagesat që regjistrojmë (cash ose transfertë) |
| Paguan online | pagesën e përpunon ofruesi i pagesave (si Stripe ose PayPal); të dhënat e kartës nuk i shohim dhe nuk i ruajmë |
| Ke llogari studenti | emrin, email-in, progresin, rezultatet e testeve dhe detyrave, certifikatat dhe kërkesat për ndihmë |
| Përdor app-in | journal-in, trade-t dhe fotot e kartës MT5 (MiriFX AI i lexon për të plotësuar trade-in), postimet në Community dhe mesazhet në Support |
| Hyn në llogari | një identifikues të rastësishëm të pajisjes dhe adresën IP të hyrjes; me Face ID ose passkey ruajmë vetëm një çelës publik, kurrë të dhëna biometrike |
| Lejon njoftimet | token-in e njoftimeve push |
| Zgjedh të marrësh lajme | email-in dhe regjistrimin e pëlqimit, vetëm nëse e shënon kutinë |
03
Pse i përdorim
- Për të të kthyer përgjigje, për të organizuar bisedat, regjistrimin dhe pagesat (kërkesa jote / kontrata).
- Për mësimet, journal-in, vlerësimet dhe certifikatat (kontrata).
- Për sigurinë e llogarive dhe të platformës (interes i ligjshëm).
- Për lajme dhe oferta, vetëm me pëlqimin tënd. E tërheq kur të duash, me linkun e çregjistrimit ose me email.
- Për detyrimet kontabël dhe ligjore.
04
Certifikatat
Kushdo që ka emrin, mbiemrin dhe numrin e një certifikate mund të verifikojë te mirifx.com/verify nëse ajo është e vlefshme.
05
Kush na ndihmon
Supabase (databaza dhe hyrja), Vercel (hostimi), Resend (email-et), Mux (videot e mësimeve), OpenAI (MiriFX AI: pyetjet që i shkruan dhe fotot e kartës MT5 që i dërgon) dhe ofruesi i pagesave (si Stripe ose PayPal). Disa prej tyre mund t'i përpunojnë të dhënat jashtë Shqipërisë, me masat e duhura mbrojtëse. Të dhënat e tua nuk i shesim dhe gjurmues reklamash nuk përdorim.
06
Cookies dhe statistikat
- Vetëm sa i duhet faqes: një cookie sigurie (mfx_device), cookies e sesionit në app.mirifx.com dhe ruajtje në browser për gjuhën dhe për sa herë është shfaqur një popup. Cookies reklamash nuk ka.
- Statistikat e vizitave janë anonime dhe pa cookies: faqja që hap, faqja që të solli, shteti dhe qyteti (nga rrjeti), lloji i pajisjes, browseri dhe gjuha. Adresën IP nuk e ruajmë; vizitat numërohen me një kod që ndryshon çdo ditë, ndaj nuk lidhen me ty. Për këtë arsye nuk duhet banner pëlqimi.
07
Sa kohë i mbajmë
| Të dhënat | Sa kohë |
|---|---|
| Kërkesat dhe rezervimet | deri në 24 muaj pas kontaktit të fundit |
| Studentët dhe pagesat | sa kohë llogaria është aktive, dhe sa kërkon ligji kontabël |
| Pëlqimi për lajme | deri sa ta tërheqësh |
| Regjistrat e sigurisë | deri në 12 muaj |
08
Të drejtat e tua
Mund të kërkosh të shohësh, të korrigjosh ose të fshish të dhënat, të kufizosh ose të kundërshtosh përdorimin e tyre, të marrësh një kopje dhe të tërheqësh pëlqimin. Shkruaj në info@mirifx.com; përgjigjemi brenda 30 ditëve. Mund të ankohesh edhe te Komisioneri për të Drejtën e Informimit dhe Mbrojtjen e të Dhënave Personale (IDP).
09
Ndryshimet
Çdo ndryshim e publikojmë në këtë faqe, me datë të re.