Mirë se erdhët në botën e Tregtisë së Forex!
Përmbajtja e mëposhtme, e cila në tërësi konsiston në njohuritë themelore rreth tregut të këmbimit valutor, është një hap i madh drejt ndryshimit të mundshëm të jetës suaj dhe rritjes së suksesit tuaj të përgjithshëm tregtar.
Për ata që sapo kanë nisur rrugëtimin, këto janë pa dyshim hapat tuaj të parë drejt majës së tregtisë, por pavarësisht faktit se unë dhe stafi im do të jemi këtu me përkushtim të plotë për t’ju ndihmuar drejt rrugës së suksesit të dëshiruar, kurorëzimi përfundimtar i përpjekjeve tuaja do të varet realisht vetëm nga JU!
Hapat e para synojnë të sigurojnë një kuptim themelor të tregut të këmbimit valutor. Ju do të mësoni se ku e ka origjinën tregu, në cfarë konsistojnë operacionet e tregtimit valutor, kush janë tregtarët, etj.
Kjo është pyetja më e shpeshtë, të cilën më drejtojnë njerëzit. Kur miqtë e mi më pyesin se cfarë bëj për të jetuar, ndeshem gjithnjë me vështirësinë për t’u shpjeguar atyre në mënyrën më të qartë të mundshme se në cfarë konsiston FOREX-i. Nëse unë shprehem se pikërisht Forex është mënyra ime e jetesës, ata nuk e kanë idenë se çfarë është tregtimi në Forex. Është e habitshme po të marrim parasysh se sa i madh dhe i popullarizuar është ky treg. Me një vëllim mbi 5 trilion dollarë të tregtuar çdo ditë, Forex vë në hije të gjithë tregjet e tjera financiare.
Më thjeshtë: Forex ose FX është një shkurtim i “Foreign Exchange”, që do të thotë “Këmbimi i Valutave të Huaja”.
Këmbimi i një monedhe me një tjetër quhet transaksion në Forex.
Le të marrim një shembull. Të gjithë i kemi parasysh pikat e këmbimit valutor në aeroport ose aksionet qeveritare të importimit apo eksportimit të mallrave, madje edhe kur blini diçka në internet nga një vend tjetër: të gjitha këto veprime në vetvete janë transaksione valutore.
Një sasi e madhe transaksionesh ndodh çdo ditë – kjo është arsyeja se pse qarkullimi ditor i Forex është tepër i madh në krahasim me tregjet e tjera.
Bursa e New York (NYSE) ka një vëllim transaksionesh prej 22.4 miliardë dollarësh në ditë, ndërsa tregu i këmbimit valutor arrin një shifër rekord prej 5 TRILLION $ në ditë.
Kjo betejë zhvillohet pesë herë në javë, çdo minutë të ditës, ku tregtarët qëndrojnë duarkryq përpara sjelljes së cmimeve dhe i ndjekin nga kudo ku janë nëpër botë duke përdorur laptopët ose celularët. Kur tregtojmë në Forex, ne jemi në gjendje të përfitojmë nga luhatjet e monedhave. Ato ndryshojnë vazhdimisht për shkak të faktorëve themelorë që strukturojnë panoramën ekonomike të vendeve në mbarë globin, si dhe për shkak të disa faktorëve me natyrë teknike.
Deri kohët e fundit, ishin institucionet e mëdha financiare, korporatat, bankat qendrore, fondet mbrojtëse dhe individët jashtëzakonisht të pasur që mbizotëruan transaksionet e monedhës në tregun Forex.
Shfaqja e internetit ndryshoi të gjitha këto. Tani është e mundur që një investitor mesatar, si ju, të blejë dhe te shesë monedha në mënyrë elektronike.
Pjesa më e madhe e njerëzve, duke dashur të fillojnë menjëherë operacionet e tregtimit me qëllim fitimin e shpejtë, priren ta tejkalojnë pjesën e historikut të Forex-it. Por si në cdo domen tjetër, kyci i suksesit në këtë treg lidhet thelbësisht me ambjentimin dhe familjarizimin e posacëm me elementët e botës së këmbimit valutor. Një nga këta elementë është historiku.
Këtu do të ndalojmë kalimthi në disa nga momentet më të të rëndësishme që kontribuan në krijimin e tregut të këmbimit të valutave të huaja.
Standardi i Arit – 1875-a ishte viti i një prej ngjarjeve më të rëndësishme që hapi siparin e modernizimit të botës ekonomike. Ky vit shënoi krijimin e sistemit monetar ndërkombëtar që tanimë do të kishte si njësi matëse arin. Vendosja e arit si etalon universal i vlerës u bë shkak për globalizimin e ekonomisë, pra për financiarizimin e saj. Para implementimit të këtij sistemi, vendet e ndryshme përdornin Arin dhe Argjendin si një mënyrë pagese për transaksionet ndërkombëtare. Mirëpo vlera e arit dhe e argjendit ndryshonte në përputhje me mekanizmin rregullator të ofertës dhe kërkesës. Me fjalë të tjera, kur të zbuloheshin miniera të reja të arit, vlera e arit do të ulej për shkak të rritjes së burimeve të arit nëqarkullim. Ky problem veproi si një katalizator për krijimin dhe zbatimin e një sistemi standard të vlerësimit të arit.
Një vlerë fikse dhe e garantuar e shkëmbimit të arit me mallrat fizikë ishte koncepti që coi në standardizimin e vlerës së arit. Monedha e letrës u prezantua më pas nga bankat qendrore të botës dhe iu raportua një sasie specifike të lingotave të arit.
Viti 1913 shënon momentin e krijimit të Rezervës Federale, e njohur me akronimin FED. Ky institucion financiar dikton tashmë të gjitha politikat fiskale globale.
1944- Dollari amerikan u bë monedha e centralizuar e botës. Prandaj, e gjithë tregtia në botë ishte e lidhur me monedhën e prodhuar nga FED, cka i dha atyre dominim mbi ekonominë globale.
Po këtë vit, ndryshimi kryesor në sistemin e ri valutor ishte zëvendësimi i standardit të arit me dollarin amerikan, i cili e bëri dollarin monedhën kryesore rezervë. Për të ndihmuar në aktivitetin ekonomik global, u formuan tre agjenci ndërkombëtare:
Të tre këto organizma asistuan në krijimin e Organizatës Botërore të Tregtisë (OBT), e cila ekziston edhe sot.
1980 – deri më sot. Telekomunikacioni dhe një rritje globale e ofertës së parave të letrës mundësoi spekulimet në tregjet e monedhës. Tregu i valutave të huaja filloi të zgjerohej, me dollarin amerikan që ishte dominuesi, për shkak të monedhave të botës që ishin të lidhura me të. Kjo është arsyeja pse të gjitha çiftet kryesore të monedhës përfshijnë USD. Tregu vazhdon të rritet për shkak të ndërgjegjësimit të shpejtë shoqëror dhe lehtësisë së aksesit.
Forex është një treg i decentralizuar. Ai nuk ka një vendndodhje qendrore. Tregtimi kryhet 24 orë në ditë përmes Rrjeteve të Komunikimit Elektronik (ECN) në tregje të ndryshme në të gjithë globin.
Tregu i Forex nuk ka nevojë për një vendndodhje fizike sepse tregtimi bëhet virtualisht nëpërmjet këtij sistemi.
Ju mund të keni dëgjuar se Londra është qendra globale e tregut të këmbimit valutor. Kjo është për shkak se Londra përbën afër 35% të vëllimit të të gjithë tregtisë. Kjo është sa dyfishi i Neë York-ut, i cili tregton vetëm një vëllim prej 17%! Pra, edhe pse tregu i Forex-it nuk ka një vendndodhje, qendra globale e tij konsiderohet Londra.
Elementët gjeografikë të Forex-it janë po aq të rëndësishëm sa edhe elementët kronologjikë të tij. Pavarësisht se Forex-i është i hapur 24 orë në ditë, 5 ditë të javës, operacionet tregtare më fitimprurëse duhen kryer në fasha kohore që në zhargonin e tregtarëve njihen si Kill Zones.
Jo vetëm që është e rëndësishme për ju të kuptoni natyrën e tregut të Forex-it, por gjithashtu duhet të jeni të vetëdijshëm se kush janë aktorët kryesorë në këtë treg dhe se cila është natyra e operacioneve tregtare që këto palë kryejnë. Kësisoj do të jeni në gjendje të përfytyroni pozicionimin tuaj strategjik në këtë hapësirë tregtare. Kush tregton në tregun valutor?
1. Bankat Qendrore.
Mund të thuhet se arma më e fuqishme, përveç dijes, është paraja. Furnizimi i parave drejtohet nga bankat qendrore të botës, të cilat janë të gjitha pjesëmarrëse të një grupi të njohur si ‘G20’. Këto njësi private të centralizuara kanë sundimin mbi një pjesë të madhe të tregut të Forex-it përmes kontrollit të normave të interesit të valutave vendore dhe ritmit të inflacionit, duke zbehur apo rritur fuqinë blerëse të një monedhe. Të gjitha vendet në botë kanë një bankë qendrore që kontrollon monedhën e tyre kombëtare. Bankat qendrore janë përgjegjëse për mirëmbajtjen e një ekonomie dhe janë “peshqit” e mëdhenj në oqeanin financiar që përcaktojnë kurset e këmbimit.
2. Bizneset
Një biznes që importon materiale nga jashtë duhet më së pari të shndërrojë valutën e vet në atë të vendit ku do të kryejë transaksionin. Çmimi dhe vlera e monedhës së një vendi do të ndikojë në fitimet apo humbjet e mundshme të një kompanie të madhe. Biznesi jo vetëm që do të monitorojë kurset e këmbimit, por gjithashtu do të analizojë intervalet kohore përgjatë të cilave ndryshon vlera e valutës si dhe prirja e saj e përgjithshme për vlerësim apo zhvlerësim në raport me valutat e tjera.
3. Bankat më të vogla.
Bankat kryesore tregtare ose ato të investimeve në të gjithë botën luajnë një rol të rëndësishëm kur bëhet fjalë për transaksionet e monedhës brenda tregut të Forex-it. Duke tregtuar në kuadrin e një shërbimi për klientët e tyre që depozitojnë ose huazojnë para, ata janë në gjendje të përftojnë një fitim të kënaqshëm. Kjo mund të dëshmohet në një llogari individuale kursimi (ISA), e cila ofron një rendiment vjetor për klientët e tyre. Ndër të tjera, bankat si Deutsche, JPMorgan dhe Goldman Sachs zotërojnë rreth 80% të tregut. Kjo i detyrohet sasisë së kapitalit dhe fuqisë që ata kanë në tregun e Forex-it. Sakaq do të thotë se ata janë në gjendje të manipulojnë çmimet, të nxisin lëvizje në kurset e këmbimit në mënyrë që të përftojnë fitime. Shumë banka kanë platformat e tyre dhe mund të tregtojnë pak më ndryshe nga tregtari standard me pakicë. Sa më shumë kapital të ketë një bankë, aq më të mira janë çmimet e këmbimit valutor që ato janë në gjendje të ofrojnë.
4. Fondet mbrojtëse.
Po, të gjithë kemi parë filma dhe e dimë që fondet mbrojtëse bëjnë miliona çdo ditë dhe ndoshta ndihmojnë të pasurit të bëhen më të pasur! Ata tregtojnë fonde të rregulluara dhe të parregulluara me strategji të rrezikshme, por të mençura, për të gjeneruar fitime të mëdha për klientët e tyre.
Ekzekutimet më të mëdha nga fondet mbrojtëse dhe grupet private mund të kenë ndikim të madh kur bëhet fjalë për lëvizjet e tregut dhe luhatjet e papritura. Fondet mbrojtëse do të ‘mbrojnë’ pozicione të caktuara në tregje specifike, të cilat kanë një korrelacion të kundërt mes syresh, në mënyrë që fondet të mbrohen gjithmonë në rast të paqëndrueshmërisë së papritur. Fondet mbrojtëse dhe firmat kryesore të investimeve ofrojnë mundësi dhe përparësi për investitorët e gatshëm dhe shpesh mund të japin një kthim prej rreth 3-5% në muaj për klientët. Investitori dhe manjati i biznesit George Soros është i njohur për fitimin e fondit të tij mbrojtës prej 1.1 miliard dollarë në më pak se 30 ditë nga rënia e GBP-së. Ai njihet edhe ndryshe si njeriu që “thyu” Bankën e Anglisë.
5. Tregtarët me pakicë.
Futja e platformave elektronike të tregtimit nga viti 1980 e tutje lejoi çdo person të zakonshëm që të fitojë qasje në tregun e Forex-it për të nxjerrë që prej aty fitime individuale. Por tregtimi në mënyrë të verbër e pa trajnimin e duhur shpesh çon në gllabërimin e llogarive të vogla të tregtarëve me pakicë nga peshkaqenët e mëdhenj! Fakti tashmë i mirënjohur se 90% e tregtarëve të vegjël humbasin në tregun e Forex-it siguron përfitime të mëdha për ndërmjetësit (broker-at) dhe aktorët e tjerë të tregut. Sidoqoftë, përmes punës së zgjuar, disiplinës, durimit dhe zbërthimit analitik të veprimit të çmimit, ekziston gjithmonë një mundësi për t’u bashkuar me 10% fitues! Të jetosh një mënyrë jetese të lirisë, unike për çdo biznes tjetër në planet, kush nuk do të donte të bëhej pjesë e këtij ekuipazhi?
Miliona njerëz në të gjithë globin tani po zbulojnë përfitimet e tregtimit të tregut të këmbimit valutor dhe si mund të përfitojë potencialisht nga jeta e tyre dhe të kene nje llogari bankare te shendetshme. Disa kanë një argëtim te caktuar, disa përpiqen të tregtojnë gjatë kohës së tyre të lirë, ndërsa të tjerët lënë punën e tyre ditore dhe ia kushtojnë tërë jetën me seriozitet mësimit për të zotëruar tregun.
Cilado qoftë arsyet tuaja për t’u përfshirë në tregtinë e Forex, gjithmonë mbani mend se në shoqërinë e sotme, nuk ka asnjë garanci pune. Shumë janë duke kontraktuar në kërkim të të ardhurave alternative, pasi një diplomë universitare mund të mos japë më të njëjtat mundësi që kishte shumë vite më parë.
Me tregtarët e rinj që dalin kudo, tregu Forex po rritet së bashku me pjesëmarrësit e saj. Le të thellohemi në arsyet pse JU duhet të përfshiheni!
Likuiditeti
Me një xhiro të vlerësuar prej 4 trilionë dollarësh që kalon çdo ditë tregtare, Forex është i pakonkurrueshëm kur bëhet fjalë për likuiditetin e tregut. Ndërsa numri i pjesëmarrësve të tregut rritet, rriten edhe shifrat dhe pasuria e tregut, e cila transferohet në përqindjen e vogël te njerzve, të cilët bëhen të suksesshëm.
Bleni ose Shisni
Krahasuar me tregjet e tjera globale, të cilat shpesh kanë kufizime në shitjen e shkurtër, tregu Forex nuk ka kufizime në lidhje me kohën kur mund të blini ose shisni! Ta themi thjesht, është plotësisht brenda kontrollit tuaj nëse dëshironi të blini ose shisni një cift monedhash, me çdo çmim që ju pëlqen, në çdo kohë të ditës.
Koha
Tregjet e rregullta siç janë aksionet dhe kompanitë, shpesh kanë një kohe te caktuar kur hapen dhe mbyllen. Kjo zakonisht ndodh në orën 9.30 deri në 16:00 pasdite. Sidoqoftë, tregu Forex operon 24 orë në ditë, pesë ditë në javë. Kjo është e drejtë, ju mund të vendosni të hapni dhe mbyllni një tregti në çdo
kohë gjatë gjithë javës dhe të zhvilloni një tregti për aq kohë sa dëshironi.
Liria
Pavarësisht nëse jeni duke punuar nga një Windows PC i vitit 1997 ose MacBook Pro i fundit, ose duke jetuar në një apartament luksoz të qytetit të New York-ut ose në një fshat të largët në Indi, ju mund të tregtoni nga absolutisht kudo. E vetmja gjë që ju nevojitet është një lidhje në Internet. Kjo lloj lirie ju lejon të filloni tregtinë përkrah një karriere tjetër ose hobi tuaj të preferuar! Ose ndoshta thjesht do të preferonit të uleni dhe të relaksoheni në një ndjekje të PIP-it në plazh – kjo varet plotësisht nga ju dhe kjo është
bukuria e saj!
Nuk eshte e nevojshme ndonjë pajisje specifike për të filluar tregtimin ne Forex. Me shume mundesi keni gjithçka që ju nevojitet per te tregtuar!
Hyrja ne treg është një strategji e mesuar dhe e pershtatur sipas jush por per sa kohë që keni një pc, jeni ok per te filluar.
Një pip është njësia matëse e ndryshimit të normës së vlerës së një cifti monedhash. Në imazhin e mëposhtëm, pip-i përputhet me shifrën e katërt mbas presjes dhjetore, pra me decimalin e katërt.
Pip-i është një nga mënyrat sipas të cilave tregtarët përllogarisin fitimin apo humbjen e përftuar në një tregti. Është njësia e matjes që shpreh ndryshimin në vlerë të raportit midis dy valutave. Për shembull, nëse ju vendosni një pozicion blerjeje në ciftin GBP/USD në nivelin 1.7550 dhe cmimi ka lëvizur në nivelin 1.7600 në kohën kur ju e mbyllni pozicionin tuaj, do të keni përftuar një fitim prej 50 pip. Nëse do të vendosni një pozicion shitjeje në nivelin 1.6550 dhe, në kohën kur ju e mbylli këtë pozicion, cmimi do të ketë rënë në nivelin 1.6500, ju do të keni përftuar një fitim prej 50 pip. Pra, nëse cifti EUR/USD lëviz le të themi nga vlera 1.1060 në 1.1061, kjo rritje e EUR me 0.0001 USD është 1 PIP.
PIP-i është zakonisht decimali i fundit i cmimit të kuotuar. Në pjesën më të madhe të cifteve te valutave ndryshimet në vlerë maten deri në decimalin e katërt. Por ka edhe përjashtime, si për shembull ciftet me jenin japonez, tek të cilat ndryshimi i vlerës matet vetëm me dy shifra mbas presjes dhjetore. Për shembull, nëse për EUR/USD ndryshimi elementar i vlerës së raportit është 0.0001, për USD/JPY do të jetë 0.01.
Si të përllogarisim vlerën e një PIP?
Meqenëse cdo cift valute ka vlerën e vet relative, është e domosdoshme që vlera e pip-it të përllogaritet posacërisht për atë cift specifik. Me qëllimin që përllogaritjet të jenë sa më të qarta, normat e shkëmbimit valuator do të shprehen si një raport (p.sh. EUR/USD në 1.3000 do të shkruhet si “1 EUR / 1.3000 USD”.
Në Forex, monedhat ndahen në çifte. Kjo sepse mund të vlerësosh vetëm një monedhë në krahasim me një monedhë tjetër. Nëse pyet sa vlen një dollar amerikan në dollarë amerikanë, përgjigjja është sigurisht 1 dollar. Por nëse pyesni se sa vlen një dollar amerikan në euro, përgjigjja do të jetë 0,76 € (në kohën e shkrimit). Kjo është arsyeja se pse monedhat citohen në çifte. Vlerën e një monedhe mund ta vlerësoni vetëm kur ajo bashkohet me një monedhë tjetër. Pra vlera është gjithmonë një raport krahasimor, jo një raport në vetvete. Ju kur tregtoni në Forex, kryeni një operacion që ka karakter të dyfishtë dhe të njëkohshëm: blini një valutë dhe shisni një tjetër, ose e anasjellta. Operacionet e blerjes dhe shitjes janë të njëkohshme dhe kanë kuptim vetëm si të tilla në Forex.
Pra, çfarë është saktësisht nje çift valutash në Forex? Një Paund Britanik aktualisht vlen 1.65 dollarë amerikanë.
Ky raport mund të jepet në formë të shkurtuar si mëposhtë:
GBP / USD = 1.35000
E thjeshtë apo jo?
Kur shikoni një çift valutor, monedha e parë njihet si monedha bazë, e dyta si monedha e kuotuar. Duke përdorur GBP / USD si një shembull, GBP është monedha bazë dhe USD është monedha e kuotuar. Kursi i këmbimit është thjesht sa vlera e një njësie të monedhës bazë kur shkëmbehet me monedhën e kuotuar.
Një shembull tjetër: kursi i këmbimit valutor për euro/dollarin.
EUR / USD = 1.2200
Tregu i Forex-it është i hapur 24 orë, pesë ditë në javë. Përgjatë fundjavës ky treg mbyllet, gjë që i detyrohet kryesisht mbylljes së institucioneve si bankat si dhe përgjithsisht reduktimit të transaksioneve ekonomike në këtë kohë. Për shkak të këtij cikli 24 orësh, një tregtar mundet të blejë dhe të shesë valuta në çdo moment të kohës pasi së paku një treg në botë është gjithnjë i hapur. Por vëllimi i tregtimit sigurisht nuk është i barabartë gjatë gjithë ditës, gjë që është shumë e rëndësishme të kuptohet kur tregtoni.
Orët e tregtimit në Forex? Seancat tregtare të Forex-it mund të ndahen në tri kategori kryesore: e para është seanca aziatike e cila mbulon seancat Wellington, Sydney dhe Tokyo.
Vazhdimi i kësaj seance përkon me fillimin e seancës së dytë që është seanca Evropë / Londër, e cili është më e madhja nga të gjitha dhe përbën mbi 37% të të gjithë aktivitetit tregtar në të gjithë botën. Kjo përfshin Frankfurtin dhe hapjen e Londrës. Seanca Evropë / Londër gjithashtu përputhet me sesionin e tretë dhe të fundit të ditës, e cili është seanca SH.B.A. / New York. Një ndarje e përgjithshme e seancave/ orëve të tregtimit jepet si më poshtë.
Siç mund ta shihni, ka mbivendosje midis seancave, si më poshtë:
London: Fillon në orën 09:00 – 17:00 mesditë
New York: Fillon në orën 14:00 – 23:00
Tokyo: Fillon në orën 23:00 – 07:00 të mëngjesit
Të gjithë tregjet kanë kosto komisioni. Kjo është mënyra kryesore që ndërmjetësit bëjnë para. Për ata që nuk e njohin këtë koncept, çdo tregtar që dëshiron të investojë paratë e tij duhet të kalojë përmes një ndërmjetësi. Brokeri vepron si ndërmjetës dhe merr një tarifë të vogël komisioni për shërbimin që ofron. Ju ia dërgoni kapitalin tuaj një ndërmjetësi të zgjedhur nga ju, përmes transfertës bankare ose pagesës me kartë krediti. Ndërmjetësi do të kryejë disa verifikime të detyrueshme si psh: ID, vendbanimin në mënyrë që t’ju hapë një llogari bankare tuajën ku do të tregtoni.
Kostot e tregtimit në Forex
Kur tregtoni me çdo lloj instrumenti financiar, gjithmonë përfshihen edhe kostot e operacioneve financiare. Lajmi i mirë për ne është se kostot e tregtimit në Forex janë të vogla – gjithnjë nëse e dini se çfarë po bëni! Nëse ndiqni këto udhëzime dhe kuptoni strukturën e tarifave në Forex, do të jeni në gjendje t’i mbani kostot në minimum.
Spread-i
Sa herë që blini dhe shisni një cift valutash, ju do të paguani spread-in. Në Forex, spread-i është thjesht ndryshimi midis çmimit të blerjes dhe çmimit të shitjes së një cifti valutor. Pra është diferenca midis bid price (cmimit me të cilin e ofrojmë një valutë në këmbim të një tjetre) dhe ask price (cmimit me të cilin e kërkojmë një valutë në këmbim të një tjetre). Spread-i nuk është gjithmonë 1 pip – ai ndryshon në varësi të paqëndrueshmërisë dhe vëllimit të tregtimit të cifteve valutore.
Spread-i është mjaft i ulët kur bëhet fjala për një çift valutash të fuqishme që tregtohen shpesh. Nëse doni të mbani në minimum koston e spread-it, duhet të qëndroni në çiftet kryesore të valutave. Çiftet e kryqëzuara (ato që nuk kanë USD-në) kanë tendencë të kenë një spread më të lartë.
Gjithashtu, vlera e spread-it ju tarifohet sa herë që mbyllni një pozicion. Ky është fitimi që vjel ndërmjetësi juaj (brokeri) sa herë që ju bëni një tregti. Për të është e parëndësishme nëse tregtia juaj fiton ose humb. Ndërmjetësi gjithmonë do të futë në xhep spread-in. Kjo është thjesht kostoja e tregtimit të tregut Forex.
Padyshim, ndërmjetësit i duan tregtarët që kryejnë tregti dhe bëjnë shumë tregti. Sa herë që hyni dhe dilni nga një tregti, ata bëjnë para.
Rollover-i
Nëse jeni në një pozicion dhe e mbani atë të hapur edhe pas një kohe të caktuar të ditës, ose do të tarifoheni rishtaz ose do t’ju merret një interes. Kjo njihet si rollover. Interesi i kredituar ose interesi i ngarkuar varet nga ajo palë valutore që ju tregtoni. Ju mund të kontrolloni me ndërmjetësin tuaj për të gjetur saktësisht se në cilën kohë të ditës tarifohen pozicionet.
Çfarë është një LOT në Forex?
Siç mund ta dini tashmë, ndryshimi në vlerë i valutës në krahasim me një tjetër matet në “pips”, e cila është një përqindje shumë, shumë e vogël e një njësie të vlerës së valutës.
Për të përfituar nga ky ndryshim në vlerë, duhet të tregtoni sasi të mëdha të një valute të caktuar në mënyrë që të shihni ndonjë fitim ose humbje të konsiderueshme.
Le të supozojmë se do të përdorim një madhësi prej100,000 lot. Tani do të bëjmë disa përllogaritje për të parë se si ndikon kjo në vlerën e pip-it.
Cifti valutor USD / JPY, i cili tregtohet me një kurs këmbimi prej 119.80, do të ketë këtë vlerë për një pip: (0.01 / 119.80) x 100,000 = 8,34 $ për pip
Cifti valuator USD / CHF, i cili tregtohet me një kurs këmbimi prej 1.4555, do të ketë këtë vlerë për një pip: (0.0001 / 1.4555) x 100,000 = 6,87 $ për pip.
Në varësi të valutës që jeni duke tregtuar aktualisht, do të rritet edhe vlera e pip-it.
Çfarë është efekti levë në Forex?
Efekti levë është ai që ju lejon të tregtoni më shumë njësi valute se sa ato që ju dispononi.
Imagjinoni sikur ju keni një llogari minimale me një gjendje prej $ 1,000 (1,000 njësi valutore). Ju hyni në një tregti me 100 $ dhe ndërmjetësi juaj (brokeri) ju siguron nëpërmjet efektit levë një ngritje të fuqisë tregtuese të llogarisë sipas raportit 100: 1. Kjo do të thotë që ju mund të mbani një pozicion deri në 10,000 dollarë sepse për çdo $ 1 që vendosni, ndërmjetësi juaj do të vendosë 99 dollarë për t’i bërë 100 dollarë.
Gjëja e rëndësishme për të mbajtur mend në lidhje me efektin levë është se ai nuk ndikon në vlerën e një lot-i. Një mini lot është gjithmonë 10,000 njësi dhe një lot standard është gjithmonë 100,000 njësi.
Arsyeja se përse e quajmë atë levë është sepse është e ngjashme me ngritjen e një objekti shumë të rëndë. Disa gjëra janë thjesht shumë të rënda për t’u ngritur. Por nëse merrni levën e duhur, është e lehtë.
Nëse keni një hua 100: 1, ju mund të tregtoni një mini lot (10,000 njësi valutore) me vetëm 100 njësi tuajat.
Çfarë është Marzhi?
Marzhi është një depozitë me mirëbesim e kërkuar nga ndërmjetësi juaj për të mbuluar pozicionin me të cilin keni hyrë në treg. Pa siguruar këtë kapital bazik të cilin e quajmë marzh, ju nuk do të jeni në gjendje të përfitoni nga efekti levë që ju siguron ndërmjetësi. Kjo sepse ndërmjetësi juaj e përdor këtë kapital bazik për të ruajtur pozicionin tuaj dhe për të mbuluar humbjet e mundshme.
Ndërmjetësues të ndryshëm do të ofrojnë nivele të ndryshme marzhi në varësi të një numri faktorësh, siç janë çifti i monedhës që tregtoni dhe leva e llogarisë suaj.
Secila palë valutore lëviz ndryshe nga të tjerat. Ky është një factor që ndikon te sasia e marzhit kërkohet. Do të zbuloni se çiftet më të paqëndrueshme lëvizin më shumë në ditë. Kjo do të thotë se marzhi i kërkuar për të tregtuar ato valuta ka të ngjarë të jetë më i lartë.
Marzhi normalisht citohet në terma përqindjeje, siç janë 0.25%, 0.50% ose 1%. Kjo tenton të rritet me uljen e levave
Mënyra më e thjeshtë për të menduar marzhin është se ajo përfaqëson 1 në raportin e levës. Pra, nëse huazimi juaj është 100: 1, marzhi juaj është shuma e nevojshme në llogarinë tuaj (e përfaqësuar nga 1). Kjo do të thotë që nëse keni një llogari mini dhe vendosni një pozicion prej $ 10,000 në treg, do t’ju duhen $ 100 për të hapur edhe tregtinë.
Humbja
Mundësia për të kontrolluar humbjen nëpërmjet opsionit Stop Loss është spiranca e shpëtimit të tregtarëve. Ky mekanizëm ndihmon në ndalimin e asgjësimit të plotë të llogarisë suaj. Ju mund të vendosni kufizimin e humbjes në çdo pozicion shitblerjeje që vendosni në treg. Duke vepruar si një barrierë, një humbje e kontrolluar është një nivel i zgjedhur i cmimit përtej të cilit ju refuzoni ta vazhdoni ruajtjen e një pozicioni të hapur në një moment të mëparshëm.
Shembull:
Ju vendosni të ekzekutoni një pozicion shitblerjeje në EUR / USD (blini euro/shisni dollar) në nivelin 1.0920 dhe të vendosni një humbje të ndaluar në nivelin 1.0880. Kjo do të thotë se humbja e ndaluar duhet të jetë prej 40 PIP-ësh. Natyrisht, niveli i vendosjes së Stop Loss-it për një pozicion duhet të jetë i arsyetur sipas një metode të caktuar analize teknike apo fondamentale të grafikut të cmimit dhe jo të jetë një vendim arbitrar. Fakti që përzgjidhni pikërisht këtë nivel cmimi për të kornizuar pozicionin tuaj, pra për të kufizuar vlefshmërinë e tij, duhet të jetë i arsyetur dhe për këtë ekzistojnë strategji tregtimi ku specifikohen rregullat e vendosjes se Stop Loss-it. Përtej nivelit të përzgjedhur të vendosjes së Stop Loss-it, analiza që ju keni bërë apo motivet që ju kanë shtyrë që të vendosni një pozicion të caktuar shitblerjeje bëhen të pavlefshme, dhe ju nuk keni më arsye se përse ta ruani atë pozicion, pasi vazhdimi do të përkthehet në një dëm ekonomik të pallogaritshëm. Humbja e mirëllogaritur është pjesë integrale e të tregtuarit në forex dhe nuk ju bën humbës në terma afatgjatë, përkundrazi. Vetëm humbjet e paëprllogaritura do të jenë shkaku i zbrazjes së llogarisë tuaj dhe i dështimit të përformacës suaj si tregtar.
Po sikur të mos e përdor opsionin e humbjes së ndaluar?
Llogaria juaj do të jetë gjithmonë në rrezik nëse nuk përdorni ndalim të humbjes. Mjafton vetëm një tregti e keqe që llogaria juaj të dëmtohet rëndë. Shumë tregtarë fillestarë janë nën iluzionin se nuk kanë nevojë për Stop Loss duke qenë se mund ta mbyllin manualisht një tregti dhe se nuk ka nevojë për një humbje të ndaluar. Ky mendim mund të ketë pasoja të tmerrshme dhe ne sugjerojmë fuqimisht kundër tij, për shkak të paqëndrueshmërisë së lartë të tregut. Në thelb, një humbje e rëndë mund të ndodhë sa hap e mbyll sytë.
Marrja e Fitimit – opsioni Take Profit
Marrja e fitimit është e kundërta e një humbjeje të ndaluar. Mbasi cmimi të arrijë nivelin e parashikuar prej jush, pozicioni juaj do të mbyllet automatikisht në fitim pasi të arrihet niveli i parashikuar prej jush.
Shembull:
Ju vendosni të ekzekutoni një pozicion blerjeje në EUR / USD në nivelin 1.0920 dhe vendosni të merrni një fitim në nivelin 1.0980, që përkthehet në një fitim prej 60 PIP.
Në varësi të sasisë së parave që keni vendosur për PIP, pozicioni juaj do të mbyllet automatikisht dhe fitimi do të merret në nivelin e çmimit të zgjedhur prej jush. Kjo do të ndodhë pavarësisht nëse jeni ulur para ekranit të kompjuterit tuaj apo jo. Po sikur të mos e përdor opsionin e fitimit të marrë? Atëherë miqtë e mi, do të shihni se fitimi vjen dhe zhduket! Pa asnjë objektiv të caktuar, tregtia juaj mund të shkojë në fitim të madh ose të zhytet në humbje. Për këto arsye ne sugjerojmë fuqimisht përdorimin e opsioneve Stop Loss dhe Take Profit. Këto dy opsione e strukturojnë pozicionin tuaj tregtar dhe e bëjnë atë një veprim racional dhe të mirëllogaritur.
Grafikët i ndajmë në 3 lloje:
Në fushën e tregtisë ekzistojnë metoda të ndryshme që mund të zbatohen kur spekuloni dhe bëni gjykime në treg.
Dy aspektet kryesore të analizës në tregun valutor janë teknike dhe themelore. Tregu i valutave të huaja është mjaft unik në krahasim me tregjet e tjera, pasi 90% të kohës ata që janë mjaft të aftë në leximin e veprimeve të pastra të çmimeve zakonisht mund të përftojnë një pamje të qartë të mënyrës se si çmimi do të shkojë më tej!
Ndërsa studioni analizën teknike dhe analizoni tregun Forex në mënyrë elektronike përmes një kompjuteri, do të hasni në tre lloje kryesore të grafikëve:
Ekzistojnë dy lloje kryesore të analizës në Forex që ju duhet të njihni: analiza teknike dhe analiza themelore. Në mënyrë që të keni sukses në tregtinë e Forex-it është me rëndësi themelore që t’i njihni të dyja.
Çfarë është Analiza Teknike?
Analiza teknike merret me studimin e strukturave dhe rregullsive në lëvizjet e çmimeve në të shkuarën në mënyrë që të parashikohen lëvizjet në të ardhmen. Kjo është një metodë shumë efektive e analizës. Në tregjet financiare, lëvizjet e çmimeve kanë tendencë të përsëriten në kohë (tendenca sezonale, mujore, javore, ditore…). Kjo ndodh për shkak se janë njerëzit aktorët që e vënë çmimin në lëvizje, sipas dëshirave (kërkesë/oferta) të tyre për këtë apo për atë valutë. Sjelljet e njerëzve kanë tendencë të jenë të strukturuara, të paraqesin rregullsi, pra kanë natyrë ciklike.
Ja një shembull i përdorimit të analizës teknike të lëvizjes së cmimeve. Jeni tek grafiku i cmimit të USD / CAD. Ju mund të keni vënë re se sa herë që çmimi i afrohet zonës 1.0625, ai largohet që prej aty. Si rrjedhojë, ju mund të merrni në konsideratë shitjen e ciftit USD / CAD herën tjetër kur vlera të arrijë në nivelin 1.0625. Meqenëse çmimi tre herët e fundit kur arriti në zonën 1.0625, u kthye mbrapsht, duke përdorur analizën teknike mund të supozojmë se çmimi mund të ketë prirje të kthehet aty përsëri në të ardhmen dhe të sillet në të njëjtën mënyrë, pra të bjerë. Kjo formë arsyetimi ju jep mundësinë që të përdorni probabilitetin për të ndërtuar ide rreth sjelljes së cmimit në të ardhmen.
Analiza teknike është mënyra më e zakonshme për të tregtuar tregun Forex. Ajo është gjithashtu një profeci e vetë-përmbushur. Nëse qindra mijëra tregtarë po shikojnë të njëjtën analizë, ata do të tregtojnë në të njëjtën mënyrë. Fakti që të gjithë tregtojnë në të njëjtën mënyrë do ta shtyjë çmimin në atë drejtim.
USD / CAD u kthye nga 1.0625 dy herë me radhë. Herën tjetër që çmimi arrin në 1.0625 mijëra tregtarë do ta shesin këtë cift sepse ata presin që cmimi të sillet njëlloj. Duke qenë se janë pritshmëritë e njerëzve ato që e drejtojnë sjelljen e valutave, eventualisht do të ndodhë që vlera e valutës në fjalë të bjerë.
Duhet ta dini që analiza teknike nuk është aq e lehtë sa tingëllon. Të mësuarit për të përdorur si duhet analizën teknike merr praktikë.
Çfarë është Analiza Themelore?
Analistët themelorë shikojnë fuqinë ekonomike të një vendi për të informuar vendimet e tyre tregtare. Lajmet ekonomike shpesh mund të kenë një ndikim të madh në çmim. Ju mund të mbani shënim orarin e publikimit të lajmeve ekonomike duke përdorur një kalendar Forex-i.
Analiza themelore përdor të dhëna ekonomike për të parashikuar lëvizjet e valutave. Duke interpretuar të dhëna ekonomike, ju mund të vlerësoni forcën e ekonomisë së një vendi. Për shembull, nëse Evropa ka një ekonomi të fortë dhe SH.B.A. ka një ekonomi të dobët, një tregtar themelor mund të vendosë të blejë EUR/USD. Kjo sepse tregtari pret që Euro të rritet kundrejt dollarit.
Në mënyrë tipike, tregtarët themelorë do të mbajnë pozicione të hapura për javë të tëra apo edhe për muaj. Faktorët ekonomikë zakonisht nuk shkaktojnë rritje të menjëhershme të vlerës së një monedhe. Një nga treguesit më të rëndësishëm ekonomikë për analizën themelore janë normat e interesit. Vendet që kanë norma të larta interesi tërheqin më shumë investime të huaja. Nëse do të duhej të zgjidhnit midis një norme interesi prej 0.5% ose 5%, padyshim që do të zgjidhnit 5%.
Për periudha më të gjata kohore, normat e larta të interesit bëjnë që vlera e një monedhe të rritet ndërsa njerëzit investojnë në monedhë. Pra, nëse SH.B.A. kishte një normë interesi 1% dhe Evropa ka një normë interesi 0,05%, dollari amerikan mund të rritet në vlerë kundrejt euros.
Qiriu perfaqëson aktivitetin e cmimit (cmimin e hapjes, cmimin e mbylljes, cmimin më të lartë, cmimin më të ulët si dhe intensitetin e ndryshimit të cmimit) brenda nje intervali te caktuar kohor. Duke patur parasysh këto variabla që parametrojnë cmimin, qirinjtë klasifikohen në
Qirinj Bullish – kur cmimi i hapjes së një qiriu është më i ulët se cmimi i mbylljes. Ky qiri përfaqëson një moment vlerësimi të monedhës bazë në raport me monedhën e kuotuar. Kur ky moment është pjesë e një trendi më të përgjithshëm, pra kur prirja është që monedha bazë të vlerësohet në raport me atë të kuotuar, tregu do të cilësohet si bullish dhe pozicionet e blerjes do të quhen pozicione të gjata. Një qiri bullish është një qiri (jeshil ose i bardhë) që formohet kur çmimi rritet. Në tërësi, tendenca e rritjes së cmimeve ne tregun e Forex-it njihet me termin bullish.
Qirinj Bearish – kur cmimi i hapjes së një qiriu është më i lartë se cmimi i mbylljes. Ky qiri përfaqëson një moment zhvlerësimi të monedhës bazë në raport me monedhën e kuotuar. Kur ky moment është pjesë e një trendi më të përgjithshëm, pra kur prirja është që monedha bazë të zhvlerësohet në raport me atë të kuotuar, tregu do të cilësohet si bearish dhe pozicionet e shitjes do të quhen pozicione të shkurtra. Një qiri bullish është një qiri (i kuq ose i zi ) që formohet kur çmimi rritet. Në tërësi, tendenca e rritjes së cmimeve ne tregun e Forex-it njihet me termin bearish.
Trupi – Trupi është hapësira e krijuar midis nivelit të hapjes dhe të mbylljes së qiriut. Nëse trupi është i bardhë ose i gjelbër, kjo do të thotë që qiriu do të mbyllet më lart nga niveli ku është hapur. Nëse është i kuq, ai do të mbyllet më poshtë nga niveli ku është hapur.
Bishti – Bishti i qiriut, i sipërmi dhe/ose i poshtmi, përfaqësojnë pikat më të larta ose më të ulta të cmimit gjatë intervalit kohor që ai qiri përfaqëson, pra gjatë jetës së qiriut.
Përmbledhtazi, ajo që duhet të dimë në lidhje me qirinjtë si elementët bazë të një grafiku të cmimit:
Në këtë pikë ju mund të jeni duke menduar për të hapur llogarinë tuaj të tregtimit. Sidoqoftë, para se të vazhdoni, është absolutisht e domosdoshme që të kuptoni dhe zbatoni menaxhimin e rrezikut. Menaxhimi i rrezikut është ndoshta mësimi më i rëndësishëm që do të mësoni në këtë kurs. Shumë tregtarë amatorë hyjnë në treg me mendimin se ata do të fitojnë miliona në ditë ose javë. Kjo nuk është tregti, por është bixhoz! Si një tregtar Forexi, qëllimi juaj duhet të jetë gjithmonë arritja e një përfitimi afatgjatë.
Megjithëse tregu i Forex ju lejon të jetoni një jetë të lirë, pa asnjë shef mbi kokë dhe mundësinë e një stili jetese ekstravagante, e gjithë kjo vjen me çmimin e një gjëje të pacmueshme në vetvete, që është KOHA juaj. Koha është një faktor vendimtar; shumë tregtarë do të përjetojnë dhe do të mësojnë nga gabimet e tyre në rrugën e tyre drejt suksesit. Një nga ato përvoja është menaxhimi i rrezikut.
Jo vetëm që menaxhimi i rrezikut ju pengon të humbisni shumë para, por gjithashtu, me kalimin e kohës ndërton tek ju tregtarin fitimprurës. Me shpërblim të madh, vjen rrezik i madh. Një tregtar profesionist gjithmonë duhet të kuptojë dhe të zbatojë në mënyrë korrekte menaxhimin e rrezikut. Jo ndonjëherë, jo shumicën e kohës, por gjithmonë!
Menaxhimi i rrezikut mund të jetë aq i thjeshtë sa të konsistojë vetëm në ca llogaritje të vogla dhe në vendosjen e ca synimeve të mbërritshme. Meqenëse janë paratë tuaja në lojë, ju duhet të tregtoni sikur po mbroni kapitalin tuaj me çdo kusht të nevojshëm. Ju gjithashtu duhet të bëni kujdes me frekuencën e tregtimit: sa më shpesh të jeni në treg, aq më shumë herë llogaria juaj do të rrezikohet. Përfundimi është ky pra; për të arritur qëndrueshmëri brenda tregut është e rëndësishme që të keni një zotërim të fortë të asaj që barazohet me menaxhim të mirë të parave tuaja dhe të rrezikut në cdo pozicion tregtar që do të hapni.
Strukturat bazike të grafikëve të cmimit
Një majë e dyfishtë është një strukturë karakteristike që paralajmëron përmbysjen e tendencës së cmimit. Nëse cmimi deri në atë moment ka qenë në ngjitje, në përfundim të krijimit të kësaj strukture, tendenca do të përmbyset dhe cmimit do të zbresë. Ky formacion grafik shfaqet mbas një farë kohe përgjatë të cilës cmimi vetëm është ngritur.
“Majat” e dyfishta formohen kur çmimi godet një nivel të caktuar përtej të cilit ai nuk mundet të depërtojë. Majat pra përfaqësojnë një ekstremitet, një limit të sipërm që cmimi gjen gjatë udhëtimit të tij lart. Kur ky limit është gjetur, cmimi sillet në mënyrë krejtësisht të parashikueshme: e godet dy herë atë nivel dhe më pas zbret. Kësisoj ne e dimë se kemi gjetur një cmim tavan. Aty është momenti ideal për të hapur një pozicion të shkurtër dhe ta shesim ciftin valutor, mbasi që prej përmbushjes së këtij formacioni grafik që quhet M ose majë e dyfishtë, cmimi do të zbresë si ortek nga mali dhe s’ka asgjë që mundet ta ndalojë këtë fenomen të zhvlerësimit të valutës. Themi se cmimi ka gjetur një nivel rezistence. Nivelet e rezistencës janë thelbësore mbasi bashkë me nivelet e suportit janë kornizat që kontrollojnë lëvizjet e cmimit dhe i bëjnë ato të parashikueshme. Këto nivele kanë rol rregullator. Ato i japin hapësirës së lëvizjes së cmimit konture të rregullta. Brenda këtyre kontureve nemund të ushtrojmë aktivitetin tonë spekulativ.
Pas goditjes së këtij niveli ekstrem, çmimi do të tërhiqet paksa nga ai, por pastaj kthehet përsëri për të provuar nëse mundet ta tejkalojë atë.
Nëse çmimi kthehet përsëri mbrapsht nga ai nivel, atëherë ju do të keni një majë të DYFISHTË! Sepse jeni të sigurtë që ai nivel rezistence do të mbajë. Dhe këtë herë nuk ka më kthim mbrapa. Cmimi do të vazhdojë të rrokulliset poshtë derisa të gjejë një nivel të ri mbështetjeje, pra një cmim dysheme, i cili do e detyrojë të kthehet rishtazi lart. Aty është momenti që të hapim një pozicion të shkurtër.
Fundi i dyfishtë është gjithashtu një formacion grafik i cili paralajmëron përmbysjen e trendit të cmimit, por këtë herë situata është e kundërta me atë të “Majës së dyfishtë”. Fundet përfaqësojnë një ekstremitet të poshtëm që cmimi has mbas një periudhe të gjatë rënieje. Kur ky limit i poshtëm është mbërritur, cmimi aty sillet në mënyrë krejtësisht të parashikueshme: e godet dy herë atë nivel dhe më pas ngjitet lart. Kësisoj ne e dimë se kemi gjetur një cmim dysheme dhe se momenti i rënies së cmimit ka përfunduar. Aty mund të hapim një pozicion të gjatë.
Kjo strukturë grafike e cmimit është gjithashtu një formacion përmbysës i trendit. Formohet nga një majë (shpatull), e ndjekur nga një majë më e lartë (kokë), dhe pastaj një majë tjetër e ulët (shpatull). Kemi tri maja, pra tri përpjekje të cmimit për të thyer një nivel rezistence (një cmim tavan) përpara se të bjerë poshtë. Ky formacion paralajmëron një rënie të cmimit.
Është struktura e mësipërme vecse këtë herë është e përmbysur. Përbëhet nga tri funde, ku fundi i mesit është më i thelli. Këto tri funde janë krijuar si pasojë e përpjekjeve të cmimit për të depërtuar përtej një niveli të caktuar suporti (mbështetjeje), pra përtej një niveli dysheme të cmimit. Në përfundim të këtij formacioni, presim një rritje të cmimit.
Le ta fillojmë me modelin më të thjeshtë harmonik. Fundja, çfarë mund të jetë më themelore sesa ABCD-ja e vjetër? Për ta shquar këtë diagramë, gjithçka që ju nevojitet janë mprehtësia e shikimit dhe mjeti i quajtur Fibonacci.
Për të dy versionet bullish dhe bearish të modelit të harmonikut ABCD, linjat AB dhe CD njihen si këmbë ndërsa BC quhet korrigjim i lëvizjes së cmimit. Nëse përdorni mjetin “Fibonacci retracement level” në këmbën AB, BC do të jetë kthimi i cmimit mbrapsht deri në nivelin 0.618. Kjo rritje përfaqësohet nga këmba CD. Kjo këmbë duhet të zgjatet deri te niveli 1.272 i Fibonaccit. Gjithcka çfarë ju duhet të bëni është të prisni që i gjithë modeli të përfundojë (të arrijë pikën D) para se të merrni ndonjë pozicion të shkurtër ose të gjatë.
Këtu janë edhe disa rregulla për një model të vlefshëm ABCD:
Modeli me tri rrugëtime i ngjan shumë modelit ABCD, përveçse ka tri këmbë (tanimë të njohura si rrugëtime) dhe dy korrigjime ose rikthime të cmimit. Edhe ky formacion ka versionin e tij bullish dhe bearish. Në përfundim të krijimit të këtij formacioni kemi mundësinë të hapim pozicionet tona përkatëse të blerjes apo të shitjes, sipas rastit.
Ekzistojnë katër lloje kryesore të stileve të tregtimit në Forex:
Skalpers-at janë tregtarë të castit. Pozicionet e tyre mbahen hapur për disa sekonda deri në disa minuta më së shumti. Objektivi i tyre kryesor është të kapin sasi shumë të vogla pips, sa më shumë që të munden gjatë gjithë kohërave më të ngarkuara të ditës.
Tregtarët e ditës zakonisht zgjedhin një pozicion në fillim të ditës, duke marrë parasysh disa variabla që drejtonë gjykimin e tyre, dhe pastaj duke e përfunduar ditën ose me fitim ose me humbje. Këto lloj tregtarësh nuk e mbajnë tregtinë e tyre hapur gjatë natës.
Tregtarët me jave janë për ata njerëz që duan të mbajnë tregtinë për disa ditë deri në disa javë në të njëjtën kohë. Këta lloj tregtarësh nuk mund të monitorojnë skemat e tyre gjatë gjithë ditës, kështu që ata kushtojnë disa orë duke analizuar tregun çdo natë për të marrë vendime të shëndosha tregtare.
Tregtarët e pozicionit janë ata që hapin tregti që zgjasin për disa javë, muaj, apo edhe vite. Këta tregtarë e dinë që faktorët makroekonomikë themelorë do të jenë faktorët mbizotërues kur analizojnë tregjet dhe për këtë arsye i marrin vendimet e tyre tregtare bazuar në to.
Ndërtimi i një Plani Tregtimi
Asnjë plan tregtar nuk është i njëjtë sepse as dy tregtarë të vetëm nuk janë saktësisht të ngjashëm. Tregtarët ndryshojnë mes tyre në varësi të variablave që marrin në konsideratë për të informuar vendimet e tyre tregtare. Çdo qasje do të pasqyrojë faktorë të rëndësishëm si stili unik i tregtisë si dhe toleranca ndaj rrezikut. Cilët janë përbërësit e tjerë thelbësorë të një plani solid tregtar? Këtu janë disa pika që çdo plan duhet të përfshijë:
A jeni gati për tregti? A e keni testuar sistemin tuaj duke e tregtuar atë me versionin demo të platformës së tregtisë dhe a keni besim se ai do të funksionojë në mjedisin e tregtisë së vërtetë? A jeni në gjendje t’i ndiqni sinjalet tuaja pa hezitim? Tregtimi i tregjeve të këmbimit valutor është një betejë midis tregtarëve. Profesionistët e vërtetë përgatiten seriozisht dhe marrin fitime të mirëfillta, krejt ndryshe nga pjesa tjetër e turmës të cilët, pa një plan, zakonisht bëjnë gabime të kushtueshme.
Drejtoji disa pyetje bazike por themelore vetes. Si ndihesh? A ke fjetur sa duhet? A ndihesh i përgjegjshëm për sfidën që të pret përpara? Nëse nuk je emocionalisht dhe psikologjikisht i gatshëm për të bërë betejë në treg, merr një ditë pushimi – përndryshe, rrezikon të humbasësh gjithë kapitalin tënd. Kjo është pothuajse e garantuar të ndodhë nëse jeni i zemëruar, i shqetësuar ose i shpërqendruar nga detyra në fjalë. Shumë tregtarë kanë një mantra tregu që ata e përsërisin para se të fillojë dita për t’u bërë gati. Krijoni një mantra të tillë që ju fut në zonën e tregtisë. Për më tepër, zona juaj e tregtisë duhet të jetë e lirë nga shpërqendrimet. Mos harroni, ky është një biznes dhe shpërqendrimet mund të kushtojnë.
Sa nga kapitali juaj duhet të rrezikoni në një tregti? Kjo do të varet nga stili juaj i tregtimit dhe toleranca ndaj rrezikut. Përqindja e rrezikut mund të ndryshojë, por në përgjithësi duhet të shkojë nga rreth 1% në 5% të kapitalit tuaj bazë në një ditë të caktuar tregtimi. Kjo do të thotë se nëse e humbni atë shumë, në çdo moment të ditës, dilni nga tregu dhe qëndroni jashtë tij sepse kjo nuk është dita juaj. Është më mirë të bësh një pushim, dhe pastaj të luftosh një ditë tjetër, nëse gjërat nuk po shkojnë siç duhet sesa të shkatërrosh gjithë llogarinë tënde, të cilën me siguri e ke ngritur me shumë mund.
Para se të hyni në një tregti, vendosni synime reale të fitimit dhe përcaktoni me kujdes raportin rrezik / shpërblim. Cili është rreziku / shpërblimi minimal që do të pranoni? Shumë tregtarë nuk do të kryejnë një tregti përveç rastit kur fitimi i mundshëm është të paktën tre herë më i madh se rreziku. Për shembull, nëse humbja juaj e ndaluar është $ 1 për pozicion, qëllimi juaj duhet të jetë një fitim prej $ 3 për pozicion. Vendosni qëllimet e fitimit javor, mujor dhe vjetor në dollarë ose si përqindje të kapitalit tuaj dhe vlerësojini ato rregullisht.
Para se të hapet tregu, a kontrolloni se çfarë po ndodh nëpër botë? A janë tregjet lart apo poshtë? Cilat janë lajmet ekonomike që pritet të publikohen?
Vendosni një listë para jush dhe gjykoni nëse doni të tregtoni përpara një raporti të rëndësishëm. Për shumicën e tregtarëve, është më mirë të presësh derisa të lëshohet raporti sesa të sipërmarrësh rreziqe të panevojshme që lidhen me tregtinë gjatë reagimeve të paqëndrueshme ndaj raporteve. Tregtarët profesionistë nuk luajnë bixhoz. Tregtimi përpara një raporti të rëndësishëm shpesh është një lojë rreziku sepse është e pamundur të dish se si do të reagojnë tregjet përballë këtij raporti.
Cilido qoftë sistemi dhe programi tregtar që përdorni, etiketoni nivelet kryesore dhe të vogla të mbështetjes dhe rezistencës në grafikë, vendosni alarme për sinjalet e hyrjes dhe daljes dhe sigurohuni që të gjitha sinjalet mund të shihen ose zbulohen lehtësisht.
Shumica e tregtarëve bëjnë gabim duke përqendruar shumicën e përpjekjeve të tyre në kërkimin e sinjaleve të blerjes apo të shitjes, por i kushtojnë shumë pak vëmendje përcaktimit të momentit se kur duhet të dalin si dhe ku të dalin. Shumë tregtarë nuk mund të tregtojnë sepse nuk duan të marrin humbje. Frika nga humbja është një prej problemeve madhore të natyrës psikologjike të cilat mund të paralizojnë edhe tregtarin me sistemin më efikas. Kapërcejeni atë, mësoni të pranoni humbjet, ose nuk do të jeni dot kurrë i suksesshëm. Nëse ndalesa e humbjes suaj goditet, do të thotë që keni gabuar. Mos e merrni personalisht. Tregtarët profesionistë humbasin më shumë tregti sesa fitojnë, por duke menaxhuar para dhe duke kufizuar humbjet, ata prapë fitojnë.
Pra, para se të hyni në një tregti, duhet të njihni daljet tuaja. Ka të paktën dy dalje të mundshme për çdo tregti. Së pari, cila është humbja e ndalimit tuaj nëse tregtia shkon kundër jush? Duhet të shkruhet. Ndalesat mendore nuk llogariten. Së dyti, çdo tregti duhet të ketë një objektiv fitimi.
Arsyet personale për të mos tregtuar
1. Larg shperqendrimeve:
Mbani përqendrimin tuaj te grafikët dhe të mos e humbni atë për gjërat e tjera që ndodhin. Për shembull, mund të jeni duke pritur për një tregti dhe të shpërqendroheni. Kur të ktheheni në grafikun tuaj, keni humbur tregtinë, ose madje keni bërë një gabim në hapjen e tregtisë suaj. Shpërqendrimet mund t’ju kushtojnë para. Sidoqoftë, jeta është e mbushur me to, kështu që thjesht vendoseni macen në korridor dhe mbyllni derën. Cilatdo qofshin shpërqendrimet tuaja të mundshme, gjeni një mënyrë për t’i menaxhuar ato para se të filloni të tregtoni.
2. Kohë emocionale.
Nëse diçka emocionale po ndodh në jetën tuaj dhe nuk mund ta mbani objektivitetin tuaj, mos tregtoni! Kjo mund të jetë ndonjë numër i gjërave që kanë pasur një ndikim negativ në ditën tuaj. Mund të jetë që keni pasur ndonjë tërbim rruge më herët ose jeni ndarë me partnerin tuaj etj. Kur tregtoni, duhet të jeni në gjendje të vlerësoni se çfarë po ndodh në një kohë mjaft të shkurtër. Nëse jeni mendërisht diku tjetër, kjo do të ketë një ndikim negativ në llogarinë tuaj tregtare. Ngjarjet e shpërqendrimit emocional janë pa dyshim një shenjë se kur nuk duhet të tregtohet. Kohët personale që duhet të shmangni tregtinë mund të përmblidhen si kohë kur nuk jeni në sinkron me ritmin tuaj normal mendor. Ka absolutisht raste kur emocionet ose mjedisi juaj ndikojnë negativisht në tregtinë tuaj. Kjo mund të ndikojë në gjasat e një tregtie të suksesshme. Lajmi i mirë është se këto gjëra priren të jenë në fushën e kontrollit tuaj. Mjafton vetëdisiplinimi dhe kontrolli mbi panoramën tuaj mendore. Mos harroni që mendimi është thelbësisht ekologjik: pra është cështje mjedisi. Kujdesuni për mjedisin tuaj mendor mbasi ndikimi i tij në rezultatet e tregtisë tuaj është krucial.
Arsyet e tregut për të mos marrë pjesë në një tregti janë të ndryshme në këtë kuptim. Arsyet e tregut priren të jenë çështje të jashtme ku keni shumë pak kontroll. Këto mund t’ju godasin me të vërtetë në këmbë dhe t’ju lënë të çaloni për një kohë. Injoroni ato në rrezikun tuaj!
Arsyet e tregut për të mos tregtuar:
1. Pushimet bankare.
Këto janë planifikuar dhe nuk mund të bëni asgjë për këtë. Kjo sepse bankat janë pjesëmarrësit më të mëdhenj në tregun Forex. Nëse ata janë me pushime, vëllimi i transaksioneve që kryhen zvogëlohet shumë. Kjo mund të çojë në tregje me të vërtetë statike ose në raste të tjera, në sjellje krejtësisht të pazakonta të cmimeve. Sido që të jetë, largohuni dhe mos luani. Nëse, megjithatë, është një festë Banke në një vend siç është Japonia ose Australia, atëherë thjesht tregto çifte monedhash që i përkasin atyre vendeve (EUR / AUD, USD / JPY etj.) Por mund të tregtoni të gjitha çiftet e tjera.
2. Lajmet
Ka njoftime të planifikuara për lajmet ekonomike gjatë çdo dite të caktuar. Këto mund të gjenden paraprakisht duke përdorur një kalendar ekonomik. Më i popullarizuari është kalendari i Forex Factory. Ndonjëherë mund të jetë e vështirë të dihet kur nuk duhet të tregtohet kur bëhet fjalë për lajme. Ekzistojnë 3 lloje të lajmeve të shënuara sipas rëndësisë me ngjyrat: e verdha, portokallia dhe e kuqja. Secili ka një ndikim të ndryshëm të pritur i cili shpjegohet në kalendar. Lajmet e shënuara me dosje të kuqe me ndikim të lartë priren të lëvizin me të vërtetë në treg, ndonjëherë duke lëvizur me majë në të dy drejtimet, përpara se të vendosen përfundimisht. Këto janë periudha me rrezik të lartë ku shumë njerëz ndalohen nga tregtia. Rastet që duhet të shmangen në veçanti do të jenë lajmet për normat e interesit të valutave. Sidoqoftë, nuk janë vetëm vetë njoftimet që mund të ndikojnë në treg. Kjo mund të duket ekstreme, por këta mund të jenë vrasësit më të mëdhenj të llogarive.
3. Fjalimet
Këto gjithashtu priren të jenë në kalendarin ekonomik. Nëse njerëz të veçantë flasin, ju lutem, mos tregtoni. Këta njerëz përfshijnë Presidentin e BQE Mario Draghi, Kryetarin e FED Jerome Powell dhe Guvernatorin e BOE Mark Carney. Shtë e rëndësishme që kur Guvernatori i BOJ Haruhiko Kuroda të flasë për t’i kushtuar vëmendje. Këta njerëz janë të njohur për hedhjen e sugjerimeve për ndryshimet e politikës ekonomike që ka të ngjarë të ndodhin me monedhën për të cilën ata janë përgjegjës. Këto sugjerime mund të shkaktojnë shumë spekulime në treg, gjë që rezulton në lëvizje të mëdha të çmimeve. Kjo mund të ndikojë ndjeshëm në çmim pasi ato janë përgjegjëse për përcaktimin e normave të interesit për ato vende. Siç u përmend më herët, njoftimet për normat e interesit mund të shkaktojnë lëvizje të mëdha.
4. Periudhat e çrregullta
Do të ketë raste kur një monedhë po lëviz ndryshe nga normalja. Ndoshta çmimi po rritet dhe nuk e dini pse. Kjo është një kohë e mirë për të qëndruar jashtë tregut. Nëse nuk mund ta kuptoni pse çmimi po sillet në një mënyrë të caktuar, kjo zakonisht është për shkak të disa lajmeve të paplanifikuara që janë lëshuar. Ky është një lajm i keq sepse tregu do të jetë i pasigurt se si të reagojë. Për shembull, kjo ndodhi kohët e fundit gjatë periudhës së pandemisë Covid-19.
Kërko një konsultim FALAS me Telefon ose Email.
Rrisku & Përgjegjësitë
Tregtimi në Forex mbart një nivel të lartë rreziku dhe nuk është i përshtatshëm për të gjithë investitorët. Ju duhet të jeni të vetëdijshëm për rreziqet dhe të jeni të gatshëm t’i pranoni ato për të investuar në tregun e huaj. Duke pranuar kushtet e kësaj marrëveshjeje, studenti pajtohet që i kupton parimet e transaksioneve, si dhe pranon rrezikun e humbjes së plotë të investimit kur tregton pa njohuri teknike dhe themelore. Përdorimi i informacionit, produkteve dhe shërbimeve duhet të bazohet në kujdesin tuaj të duhur dhe ju pranoni që Akademia MIRIFX nuk është përgjegjëse për ndonjë sukses ose dështim të përdorimit tuaj personal që lidhet drejtpërdrejt ose indirekt me këtë sherbim.
